അങ്കമാലി: വിൻസെൻഷ്യൻ സഭയുടെ അങ്കമാലി ആസ്ഥാനമായുള്ള മാരിമാതാ പ്രൊവിൻസിന്റെ കുടുംബകൂട്ടായ്മ ഒക്ടോബർ 29-ാം തീയ്യതി ആഘോഷിച്ചു. ഒരു ദിവസം മുഴുവൻ നീണ്ടുനിന്ന ആഘോഷപരിപാടികളിൽ പ്രൊവിൻഷ്യൽ സുപ്പീരിയർ ബഹു. ഫാ. പോൾ പുതുവ സ്വാഗതം ആശംസിച്ചു. റിപ്പോർട്ട് അവതരണത്തിനുശേഷം ബഹു. ഫാ. പോൾ തരകൻ സാമ്പത്തിക കണക്കുകൾ വായിച്ചു. ബഹു. ഫാ. ഫിലിപ് നെടുംതുരുത്തിൽ മോഡറേറ്ററായും, ബഹു. ഫാ. ആന്റണി വടക്കേക്കര സെക്രട്ടറിയായും തിരഞ്ഞെടുക്കപ്പെടുകയും ചർച്ചകളെ നിയന്ത്രിക്കുകയും ചെയ്തു. വിവിധ മിഷൻ പ്രദേശങ്ങളിൽനിന്നും എത്തിയ മിഷനറിമാർ തങ്ങളുടെ അനുഭവങ്ങൾ പങ്കുവെച്ചു. ബഹു. ഫാ. പോൾ പുതുവയുടെ മുഖ്യ കാർമികത്വത്തിൽ നടന്ന വി. കുർബ്ബാനയർപ്പണത്തിൽ ബഹു. ഫാ. ജോസ് കണ്ണമ്പള്ളി വചനസന്ദേശം നൽകി. മൺമറഞ്ഞുപോയ സഭാംഗങ്ങൾക്ക് വേണ്ടി അനുസ്മരണ പ്രാർത്ഥന നടത്തി. തുടർന്ന് നടന്ന സ്നേഹവിരുന്നിൽ സുപ്പീരിയർ ജനറൽ ബഹു. ഫാ. ജോൺ കണ്ടത്തിങ്കര, അസി. സുപ്പീരിയർ ജനറൽ ബഹു. ഫാ. ടോണി ചക്കുങ്ങൽ എന്നിവർ ആശംസകളർപ്പിച്ചു സംസാരിച്ചു. വിദേശരാജ്യങ്ങളിൽ സഭാശുശ്രൂഷ നടത്തുന്ന വൈദികർ തങ്ങളുടെ പ്രേഷിതമേഖലകളെക്കുറിച്ചു സംസാരിച്ചു. എഴുപതോളം വൈദികർ പങ്കെടുത്ത കുടുംബകൂട്ടായ്മയ്ക്ക് അസി. പ്രൊവിൻഷ്യൽ ബഹു. ഫാ. മാത്യു തടത്തിൽ കൃതജ്ഞത അർപ്പിച്ചു.
