മാന്നാനം: സിഎംഐ സഭയുടെ 192-ാമത് സ്ഥാപക ദിനാഘോഷം മാന്നാനം സെന്റ് ജോസഫ്സ് ആശ്രമ ദേവാലയത്തില് നടത്തി. സിഎംഐ സഭ പ്രിയോര് ജനറാള് ഫാ. തോമസ് ചാത്തംപറമ്പിലിന്റെ നേതൃത്വത്തില് ജനറല് കൗണ്സിലേഴ്സും പ്രൊവിന്ഷ്യൽമാരും വൈദികരും ചേര്ന്നു വിശുദ്ധ കുര്ബാനയര്പ്പിച്ചു. സേക്രഡ് ഹാര്ട്ട് പ്രോവിന്സ് പ്രൊവിന്ഷ്യൽ ഫാ. ബെന്നി നല്ക്കര സിഎംഐ സന്ദേശം നല്കി. അടുത്ത വര്ഷം സമൂഹജീവിത സാക്ഷ്യപ്പെടുത്തലിന്റെ വര്ഷമായി പ്രഖ്യാപിച്ചു. ഈ അനുസ്മരണത്തിന്റെ പ്രതീകമായി 15 പ്രോവിന്സ് പ്രൊവിന്ഷ്യൽമാര്ക്ക് പ്രിയോര് ജനറാള് ഫാ. തോമസ് ചാത്തംപറമ്പില് കത്തിച്ച തിരി നല്കി. തുടര്ന്നു കത്തിച്ച തിരികളുമായി വിശുദ്ധ ചാവറയച്ചന്റെ കബറിടത്തില് പ്രാര്ഥനയും നടത്തി.
