തൃശൂര്: കണക്ക് തെറ്റാതെ ജീവിക്കാന് പഠിക്കുകയാണ് പ്രധാനമെന്ന് സീറോമലബാര്സഭ മേജര് ആര്ച്ചുബിഷപ് മാര് റാഫേല് തട്ടില് പിതാവ്. തൃശൂര് സെന്റ് തോമസ് കോളജില് നടന്ന പ്രോഗ്രാമില് പങ്കെടുത്തു സംസാരിക്കുകയായിരുന്നു അദ്ദേഹം.
സ്കൂള്പഠനകാലയളവില് തനിക്ക് ഏറ്റവും കൂടുതല് അടികിട്ടിയിട്ടുള്ളത് കണക്ക് മാഷില് നിന്നായിരുന്നുവെന്ന് ഓര്മ്മകള് അയവിറക്കിയ തട്ടില് പിതാവ്, പട്ടസ്വീകരണത്തിന് മുമ്പ് പഴയ കണക്ക് മാഷിനെ ചെന്നുകണ്ട് അനുഗ്രഹം വാങ്ങാന് പോയ സന്ദര്ഭവും അനുസ്മരിച്ചു. അന്ന് തന്നെ കെട്ടിപിടിച്ച് മാഷ് പറഞ്ഞത കണക്ക് പഠിപ്പിക്കാനല്ല കണക്ക് തെറ്റാതെ ജീവിക്കാന് പഠിപ്പിക്കാന് വേണ്ടിയാണ് നിന്നെ അടിച്ചതെന്നുമായിരുന്നു. തട്ടില് പിതാവ് പറഞ്ഞു..അറിവിന്റെ ഗോപുരങ്ങളിലേക്ക് ആളുകളെ റോക്കറ്റ്പോലെ ഉയര്ത്തിവിടുക മാത്രമല്ല അറിവുള്ളവനെ തിരിച്ചറിവുള്ളവനാക്കി ഈ സമൂഹത്തില് ജീവിക്കാന് പ്രേരിപ്പിക്കുകയാണ് കലാലയങ്ങള് ചെയ്യേണ്ടത്. അറിവുള്ളതുകൊണ്ടുമാത്രമായില്ല, തിരിച്ചറിവുകൂടിയുണ്ടായിരിക്കണം. പൊതുസമൂഹത്തിന് വേണ്ടി സെന്റ് തോമസ് കോളജ് ചെയ്ത ശുശ്രൂഷ നാടിന്റെ ഗുണമേന്മ വര്ദ്ധിപ്പിക്കാന് വേണ്ടി ചെയ്ത ശുശ്രൂഷയാണ്. ഇവിടെനിന്നു പോയവരും ഇനി പോകാനിരിക്കുന്നവരുമെല്ലാം അറിവുള്ളവര് മാത്രമല്ലതിരിച്ചറിവുള്ളവര് കൂടിയായിരിക്കണം എന്ന നിര്ബന്ധമുള്ള മാനേജ്മെന്റാണ് ഇവിടത്തേത്. സെന്റ് തോമസിന്റെ ചരിത്രത്തില് ഇന്നുവരെ അഡ്മിഷനു വേണ്ടിയോ അപ്പോയ്ന്മെന്റിന് വേണ്ടിയോ ഒരുപൈസ പോലും വാങ്ങിയിട്ടില്ല. ഇനി വാങ്ങുകയുമില്ല അതുകൊണ്ടാണ് സെന്റ് തോമസിന് ഒരാവശ്യംവരുമ്പോള് കൈ അയച്ച്എല്ലാവരും സംഭാവന കൊടുക്കുന്നത്.ദേവാലയമുറ്റത്ത് നില്ക്കുന്ന പ്രതീതിയാണ് ഇവിടെ നില്ക്കുമ്പോള് ഉണ്ടാകുന്നത്. വാക്കുകള് കൊണ്ട് എ്ന്നതിലേറെ ജീവിതം കൊണ്ട് വ്യാഖ്യാനിക്കാന് കഴിയുന്ന ഒരു ശൈലിയായിരിക്കണം നമുക്കുണ്ടായിരിക്കേണ്ടത്.
