അതിരമ്പുഴ: ദിവ്യകാരുണ്യ മിഷനറി സഭയുടെ സ്ഥാപക പിതാക്കന്മാരില് ഒരാളായ ജോസഫ് പറേടത്തിലച്ചന്റെ അമ്പതാം ചരമവാര്ഷികം ഭക്തിനിര്ഭരമായി ആചരിച്ചു. അതിരമ്പുഴയിലുള്ള എംസിബിഎസ് ലിസ്യു മൈനര് സെമിനാരിയില് നടന്ന ആഘോഷപൂര്വമായ സമൂഹബലിക്ക് കല്യാണ് ബിഷപ് മാര് തോമസ് ഇലവനാല് മുഖ്യകാര്മികത്വം വഹിച്ചു.
അനുസ്മരണ പ്രാര്ഥനയ്ക്കു ഭദ്രാവതി ബിഷപ് മാര് ജോസഫ് അരുമച്ചാടത്ത് നേതൃത്വം നല്കി. ദിവ്യകാരുണ്യ മിഷനറി സഭ സുപ്പീരിയര് ജനറല് ഫാ. അഗസ്റ്റിന് പായിക്കാട്ട്, എംസിബിഎസ് എമ്മാവൂസ് പ്രൊവിന്ഷ്യല് സുപ്പീരിയര് ഫാ. ജോസഫ് ചൊവ്വേലിക്കുടിയില്, എംസിബിഎസ് സയണ് പ്രൊവിന്ഷ്യാല് സുപ്പീരിയര് ഫാ. മാത്യു ഓലിക്കല്, എംസിബിഎസ് പരം പ്രസാദ് പ്രൊവിന്ഷ്യാല് കൗണ്സിലര് ഫാ. ജോര്ജ് കണ്ണംപ്ലാക്കല്, ഫാ. തോമസ് പറേടം എന്നിവര് സഹകാര്മികരായിരുന്നു.
ഫാ. ജോസഫ് മലേപറമ്പില് പറേടത്തിലച്ചന്റെ ദിവ്യകാരുണ്യ സന്യാസ ദര്ശങ്ങളെ കോര്ത്തിണക്കി വചന സന്ദേശവും നല്കി. സീറോമലബാര് സഭ മേജര് ആര്ച്ച്ബിഷപ് കര്ദിനാള് മാര് ജോര്ജ് ആലഞ്ചേരിയുടെ അനുസ്മരണ സന്ദേശം എംസിബിഎസ് ജനറല് കൗണ്സിലര് ഫാ. ജോസഫ് പാണ്ടിയപ്പള്ളില് തിരുകര്മങ്ങള്ക്കിടയില് വായിച്ചു.
